సన్నీలియోన్ కు మద్దతుగా నిలిచిన విశాల్

0

బాలీవుడ్ శృంగార తార సన్నీలియోన్ ప్రధాన పాత్రలో ‘వీరమహాదేవి’ సినిమా తెరకెక్కుతున్న సంగతి తెలిసిందే. కన్నడ, తమిళం, తెలుగు భాషల్లో విడుదల కానున్న ఈ సినిమాకు వ్యతిరేకంగా కొన్ని కన్నడ, తమిళ సంఘాలు ఆందోళనలు నిర్వహించాయి. ఇటీవల బెంగళూరులో సన్నీ లియోన్ పాల్గొన్న ఓ కార్యక్రమాన్ని అడ్డుకునేందుకు సైతం కన్నడ సంఘాలు యత్నించాయి. ఇలాంటి చారిత్రాత్మక నేపథ్యం ఉన్న చిత్రంలో సన్ని లియోన్ వంటి శృంగార తార నటించడం ఏంటని ప్రశ్నిస్తున్నారు. ఈ వివాదం ఇక్కడితో ఆగిపోలేదు. వీరమహాదేవి చిత్రానికి వ్యతిరేకంగా కొందరు తమిళనాడులో న్యాయస్థానాలను ఆశ్రయించారు. ఈ నేపథ్యంలో సన్నీలియోన్ కు కోలీవుడ్ హీరో విశాల్ మద్దతుగా నిలిచారు. యంగ్ టైగర్ ఎన్టీఆర్ నటించిన టెంపర్ సినిమా రీమేక్ ‘అయోగ్య’లో విశాల్ హీరోగా నటిస్తున్నారు. ఈ సినిమా కోసం చిత్రీకరిస్తున్న ప్రత్యేక గీతంలో సన్నీ లియోన్ కు విశాల్ ఛాన్సిచ్చారు. తమిళ టెంపర్ లో విశాల్ కు జోడీగా రాశిఖన్నా నటిస్తోంది.

Share.

About Author

Leave A Reply