నేడు కర్నాటక కు చంద్రబాబు

0

బీజేపీయేతర పార్టీలను ఏకం చేసే పనిలో దూకుడు పెంచారు టీడీపీ అధినేత చంద్రబాబు. రాహుల్ గాంధీ సహా జాతీయ స్థాయి నేతల్ని కలిసిన బాబు.. ఇప్పుడు దక్షిణాది ప్రాంతీయ పార్టీల మద్దతుపై కూడా ఫోకస్ పెట్టారు. ఈ ప్రయత్నాల్లో భాగంగా గురువారం చంద్రబాబు బెంగళూరు వెళ్లబోతున్నారు. ఈ పర్యటనలో మాజీ ప్రధాని దేవెగౌడ, కర్ణాటక సీఎం కుమార స్వామిలను కలవబోతున్నారు. మధ్యాహ్నం మూడు గంటలకు చంద్రబాబు బెంగళూరు బయల్దేరతారు. అక్కడ దేవెగౌడ, కుమార స్వామిలతో భేటీ అవుతారు. ఉప ఎన్నికల్లో విజయం సాధించడంపై అభినందనలు తెలపనున్నారు. అలాగే బీజేపీయేతర పార్టీల కూటమి, తాజా రాజకీయాలపై జేడీఎస్ నేతలతో చర్చిస్తారు. ఇటు శుక్రవారం చంద్రబాబు చెన్నై వెళ్లనున్నారు. ఈ పర్యటనలో డీఎంకే నేత స్టాలిన్‌తో భేటీకాబోతున్నారు. బీజేపీయేతర పార్టీల కూటమి కూర్పుపై చర్చించనున్నారు. బీజేపీయేతర పార్టీల కూటమి కోసం చంద్రబాబ ఇప్పటికే చంద్రబాబు రెండుసార్లు ఢిల్లీ పర్యటనకు వెళ్లారు. హ‌స్తిన‌ పర్యటనలో భాగంగా చంద్రబాబు కాంగ్రెస్ అధ్యక్షుడు రాహుల్‌గాంధీ, మాయావతి, శ‌ర‌ద్‌ప‌వార్‌, శ‌ర‌ద్ యాద‌వ్‌,ములాయం, అఖిలేష్‌, ఫ‌రూఖ్ అబ్దుల్లా, వామ‌ప‌క్ష పార్టీల అగ్రనేత‌లతో వరుస భేటీలు నిర్వహించి అందరినీ ఒకతాటిపైకి తీసుకొచ్చే ప్రయత్నం చేశారు. త్వరలోనే మరికొందరు నేతల్ని కలిసే ప్రయత్నాల్లో ఉన్నారు. అంతేకాదు ధర్మపోరాట ముగింపు సభకు జాతీయ స్థాయి నేతల్ని ఆహ్వానించే ఆలోచనలో ఉన్నారు.

Share.

About Author

Leave A Reply