శ్రీరాం సాగర్ కు భారీగా వరద నీరు

తెలంగాణలో గత వారం రోజుల నుంచి కురుస్తున్న వర్షాలకు తోడు.. మహారాష్ట్రలో కూడా భారీ వర్షాలు పడుతుండటంతో గోదావరినది ఉద్ధృతంగా ప్రవహిస్తోంది. దీంతో నిజామాబాద్ జిల్లాలోని శ్రీరాంసాగర్ ప్రాజెక్టుకు భారీగా వరద నీరు వచ్చి చేరుతోంది. సోమవారం రాత్రి 89 వేల క్యూసెక్కులు ఉన్న వరద మంగళవారం (ఆగస్టు 21) ఉదయానికి భారీగా పెరిగింది. ప్రస్తుతం రెండున్నర లక్షల క్యూసెక్కుల వద్ద వరద కొనసాగుతుంది. శ్రీరాంసాగర్ ప్రాజెక్టు పూర్తి స్థాయి నీటిమట్టం 1091 అడుగులు కాగా.. ప్రస్తుతం 1076.60 అడుగులుగా ఉంది. ప్రాజెక్టు పూర్తి స్థాయి నీటి నిల్వ సామర్థ్యం 90.313 టీఎంసీలు కాగా.. ప్రాజెక్టులో ప్రస్తుతం 43.701 టీఎంసీల నీరు నిల్వ ఉంది. మరోవైపు.. భద్రాచలం వద్ద కూడా గోదావరి ఉద్ధృతంగా ప్రవహిస్తోంది. భద్రాచలం వద్ద ప్రస్తుతం గోదావరి నాటి మట్టం 46.4 అడుగులు ఉంది. ఎగువ ప్రాంతాలైనా దుమ్ముగూడెం, పేరూరు, ఏటూరునాగారం, నీటిమట్టాలు పెరుగుతున్నాయి. కాళేశ్వరం దగ్గర వరద తీవ్రత పెరుగుతోంది. గోదావరి ఉపనదులైనా ప్రాణహిత, ఇంద్రావతి, శబరి నదులు కాస్త శాంతించినప్పటికీ.. భద్రాచలం వద్ద మాత్రం గోదావరి గోదావరి ఉద్ధృతంగా ప్రవహిస్తోంది. వరద ఇలాగే కొనసాగితే మంగళవారం సాయంత్రంలోపు రెండో ప్రమాద హెచ్చరిక 48 అడుగులు దాటే అవకాశాలు కనిపిస్తున్నాయి.

Leave a Reply

Your email address will not be published. Required fields are marked *

WP Facebook Auto Publish Powered By : XYZScripts.com