స్నేహారెడ్డి..టాప్ లేపేసింది

గూగుల్ నిర్వహించిన ప్రాంగణ నిమాయకాల్లో ఐదుగురు ప్రతిభావంతులు ఎంపికయ్యారు. వీరి ఒక్కొక్కరికీ రూ.1.2 కోట్ల వార్షిక వేతనంతో ఆ సంస్థ ఉద్యోగం ఇచ్చింది. ఈ ఐదుగురిలో ఓ తెలుగుమ్మాయికి కూడా చోటు దక్కడం విశేషం. ఐఐటీ హైదరాబాద్‌కు చెందిన కుడుగుంట స్నేహారెడ్డిని కృత్రిమ మేధపై చేస్తున్న ప్రతిష్ఠాత్మక ప్రాజెక్టులో పనిచేయడానికి ఎంపిక చేసింది. వికారాబాద్‌కు చెందిన స్నేహారెడ్డి ఐఐటీ హైదరాబాద్‌ నుంచికంప్యూటర్ సైన్స్‌లో ఇటీవలే బీటెక్‌ పూర్తి చేశారు. చదువుతోపాటు మిగతా విభాగాల్లోనూ అత్యుత్తమ ప్రదర్శన కనబర్చిన స్నేహా స్నాతకోత్సవంలో రాష్ట్రపతి రామ్‌నాథ్‌ కోవింద్‌ చేతుల మీదుగా బంగారు పతకాన్ని సైతం అందుకున్నారు. చదువుతోపాటు కో-కరిక్యులర్ యాక్టివీటిస్‌లోనూ చురుగ్గా ఉండే స్నేహారెడ్డి 98.4 శాతం మార్కులతో ఇంటర్ ఉత్తీర్ణత సాధించారు. జేఈఈ 2014 (మెయిన్స్‌)లో ఆలిండియా 15వ ర్యాంకు, జేఈఈ(అడ్వాన్సుడ్‌)లో 677వ ర్యాంకును సాధించారు. తర్వాత ఐఐటీ హైదరాబాద్‌లో కంప్యూటర్‌ సైన్స్‌లో చేరి బీటెక్ పూర్తిచేసింది. ఈ కృత్రిమ మేధలో భాగమైన ‘నేచురల్‌ లాంగ్వేజ్‌ అండర్‌‌స్టాండింగ్‌’ ప్రాజెక్టు కోసం గూగుల్‌ సంస్థ ప్రతిభావంతులను ఎంపికచేయడానికి అన్వేషణ ప్రారంభించింది. దీనికి ఆన్‌లైన్‌ ద్వారా ఎంపిక నిర్వహించింది. ఇందులో స్నేహారెడ్డి కూడా పాల్గొని తొలి నాలుగు రౌండ్లను విజయవంతంగా పూర్తి చేశారు. తుది ఎంపిక కోసం అమెరికాకు వెళ్లాల్సి ఉండగా మరో ముఖ్యమైన పరీక్ష ఉండటంతో హాజరు కాలేకపోయారు. అయితే, ఆమె ప్రతిభను గుర్తించిన గూగుల్ తుది పరీక్షను కూడా ఆన్‌లైన్‌లో నిర్వహించి ఎంపిక చేసింది. ఐఐటీ హైదరాబాద్ చరిత్రలోనే అత్యధిక వేతనంతో ఉద్యోగం పొందిన విద్యార్థిగా స్నేహారెడ్డి గుర్తింపు దక్కించుకున్నారు. విద్యార్థులను పరిశోధనల దిశగా ఐఐటీ అధ్యాపకులు ప్రోత్సహించడం వల్లే తనకు కలిసొచ్చిందని, బీటెక్‌ చదువుతున్నప్పుడే అమెరికాకు చెందిన ప్రఖ్యాత పరిశోధన సంస్థలతో కలిసి పనిచేసే అవకాశం కూడా దక్కిందని ఆమె అన్నారు. స్నేహారెడ్డితోపాటు గూగుల్‌కు ఎంపికైన వారిలో ఐఐఐటీ బెంగళూరు విద్యార్థిని కూడా ఉన్నారు

Leave a Reply

Your email address will not be published. Required fields are marked *

WP Facebook Auto Publish Powered By : XYZScripts.com