ఏపీలో స్కిల్ వర్శిటీ

ఆంధ్రప్రదేశ్‌లో స్కిల్‌ యూనివర్సిటీ ఏర్పాటు చేసేందుకు ఆంధ్రప్రదేశ్‌ ఎకనామిక్‌ డెవల్‌పమెంట్‌ బోర్డ్ (ఏపీఈడీబీ)తో క్వెస్‌ కార్ప్‌ ఒప్పందం కుదుర్చుకుంది. రాష్ట్రంలో ఉపాధి అవకాశాలను వివిధ దశల్లో మరింతగా అందుబాటులోకి తీసుకువచ్చేందుకు ఈ యూనివర్సిటీ ఎంతగానో దోహదపడుతుందని తెలిపింది. స్కిల్ యూనివ‌ర్సిటీ ద్వారా టెక్నికల్‌, వొకేషనల్‌ విద్యా పద్దతులను నేర్పించేందుకు కొత్త త‌ర‌హా మోడల్‌ను రూపొందించినట్లు క్వెస్‌ కార్ప్‌ పేర్కొంది. గడచిన ఏడాది కాలంలో లక్ష మందికి పైగా ఉపాధి అవకాశాలను కల్పించినట్లు కంపెనీ పేర్కొంది. దేశవ్యాప్తంగా 100కు పైగా శిక్షణా కేంద్రాల్లో 40 వేల మందికి పైగా విద్యార్థులకు నైపుణ్యాల్లో శిక్షణను ఇస్తున్నట్లు క్వెస్‌ కార్ప్‌ తెలిపింది. దేశంలోనే అత్య‌ధిక ఉద్యోగాలు క‌ల్పించిన వాటిలో 1ల‌క్ష ఉద్యోగాలిచ్చిన‌ క్వెస్ కార్పొరేష‌న్ కూడా ఒక‌టి. గ్రామీణాభివృద్ధి మంత్రిత్వ శాఖ, జాతీయ స్కిల్‌ డెవల్‌పమెంట్‌ కార్పొరేషన్‌ భాగస్వామ్యంతో క్వెస్‌ కార్ప్‌ నైపుణ్య శిక్షణా కార్యక్రమాలను అందిస్తోంది. మేము భాగ‌స్వామ్యం ఏర్పర‌చుకున్న రాష్ట్రాల్లో నిపుణులైన కార్మికుల‌ను త‌యారుచేయ‌డం ద్వారా ఆయా సంస్థ‌ల‌కు గ‌మ్య స్థానంగా ఏర్ప‌ర‌చ‌గ‌ల‌మ‌”ని క్వెస్ కార్ప్ సీఎండీ అజిత్ ఐసాక్ చెప్పారు.

Leave a Reply

Your email address will not be published. Required fields are marked *

WP Facebook Auto Publish Powered By : XYZScripts.com