వీడిన సికింద్రాబాద్ మిస్టరీ

సికింద్రాబాద్ కిడ్నాప్ మిస్టరీ వీడింది. బొల్లారం సమీపంలో ఇద్దరు మహిళల్ని అరెస్ట్ చేసిన హైదరాబాద్ నార్త్ జోన్ పోలీసులు.. బాలుడ్ని రక్షించారు. చిన్నారిని ఎత్తుకెళ్లిన ఇద్దరు కిడ్నాపర్లు మహబూబ్‌నగర్‌కు చెందినవారిగా గుర్తించారు. బాలుడికి బిస్కెట్లు కొనిస్తామని మాయ మాటలు చెప్పి కిడ్నాప్ చేసినట్లు పోలీసులు చెబుతున్నారు. ఈ ఇద్దరు మహిళలు ప్రొఫెషనల్ కిడ్నాపర్లని.. చాలారోజులుగా పిల్లల్ని ఎత్తుకెళుతున్నట్లు తేలిందట. వారిద్దర్ని ప్రశ్నిస్తున్న పోలీసులు.. ఇవాళ సాయంత్రంలోపు మీడియా ముందు ప్రవేశపెట్టి పూర్తి వివరాలను వెల్లడించనున్నారు. కాన్పూర్‌కు చెందిన సంజూ హైదరాబాద్ శివారులోని బండ్లగూడలో స్వీపర్‌గా పనిచేస్తోంది. అయితే ఆమె తన సొంత ఊరికి వెళ్లేందుకు.. సోమవారం ఉదయం 9.30 గంటల ప్రాంతంలో తన కొడుకుతో కలిసి సికింద్రాబాద్ స్టేషన్‌కు వెళ్లింది. ఆమె ఫ్లాట్‌ఫామ్‌పై ట్రైన్ కోసం వేచి చూస్తుండగా.. బాలుడు అక్కడే ఆడుకుంటున్నాడు. పిల్లవాడు ఆడుకుంటున్న సమయంలో తల్లి గమనించలేదు. కొద్దిసేపటి తర్వాత కొడుకు కోసం చూస్తే కనిపించలేదు. కంగారుపడిన సంజూ చుట్టుపక్కల వెతికింది.. అయినా ప్రయోజనం లేకుండాపోయింది. సంజూ వెంటనే తన కుమారుడు కనిపించడం లేదంటూ.. రైల్వే పోలీసులకు ఫిర్యాదు చేసింది. వెంటనే కేసు నమోదు చేసి అలర్టైన పోలీసులు.. దగ్గర్లోని సీసీ కెమెరాలను పరిశీలించారు. అందులో రికార్డైన ఫుటేజ్‌లో.. ఇద్దరు మహిళలు బాలుడ్ని ఎత్తుకెళ్లినట్లు గుర్తించారు. స్థానిక గోపాలపురం పోలీసుల సహాయంతో మూడు బృందాలుగా ఏర్పడి సీసీ ఫుటేజ్ ఆధారంగా నిందితులను గుర్తించారు.

Leave a Reply

Your email address will not be published. Required fields are marked *

WP Facebook Auto Publish Powered By : XYZScripts.com