వేలానికి ఆర్ ఎక్స్ 100

వరదల కారణంగా తీవ్రంగా నష్టపోయిన కేరళకు అండగా నిలవాల్సిన అవసరం మనపై ఎంతైనా ఉంది. అందుకే సామాన్యుల నుంచి సెలబ్రిటీల వరకు, స్వచ్ఛంద సంస్థల నుంచి కార్పోరేట్ కంపెనీల వరకు అందరూ కేరళకు సాయంగా విరాళాలు అందజేస్తున్నారు. తెలుగు సినీ పరిశ్రమ నుంచి కూడా పలువురు స్టార్ హీరోలు భారీ మొత్తంలో సాయాన్ని అందజేశారు. చిరంజీవి కుటుంబం, మహేష్‌బాబు, ఎన్టీఆర్, అల్లు అర్జున్, నాగార్జున, కళ్యాణ్ రామ్, విజయ్ దేవరకొండ, ప్రభాస్ ఇప్పటికే కేరళ సీఎం రిలీఫ్ ఫండ్‌కు విరాళం అందజేశారు. తాజాగా ‘ఆర్ఎక్స్100’ సినిమా యూనిట్ కూడా ముందుకొచ్చింది. కేరళ రిలీఫ్ ఫండ్‌కు నిధులు సమకూర్చడంలో భాగంగా తమ సినిమాలో వాడిన ఆర్ఎక్స్100 బైక్‌ను వేలం వేస్తున్నట్లు ప్రకటించింది. ఈ మేరకు చిత్ర హీరో కార్తికేయ ఓ వీడియో మెసేజ్‌ను విడుదల చేశారు. కేరళకు సాయం అందించడానికి తమ బైక్‌ను వేలం వేస్తున్నామని చెప్పారు. ఆసక్తి ఉన్నవారు తమ వివరాలను rx100auction@gmail.comకు మెయిల్ చేయొచ్చని, లేదంటే వాట్సాప్ నంబర్ 9100445588కు పంపొచ్చని వెల్లడించారు. కనీస బిడ్ రూ.50,000ని తెలిపారు.

Leave a Reply

Your email address will not be published. Required fields are marked *

WP Facebook Auto Publish Powered By : XYZScripts.com