రాజా సింగ్ అరెస్ట్

గోషామహల్ ఎమ్మెల్యే రాజాసింగ్‌ను పోలీసులు అరెస్ట్ చేశారు. గోరక్షకులపై తప్పుడు కేసులు బనాయించారని ఆరోపిస్తున్న ఆయన.. దీనికి నిరసనగా బషీర్‌బాగ్ సీపీ ఆఫీస్ ముందు దీక్ష చేస్తానని ప్రకటించారు. అయితే పోలీసులు మాత్రం ఎలాంటి అనుమతి లేదన్నారు. అయినా ఉదయం ఆయన దీక్షకు బయలదేరతారనే అనుమానంతో పోలీసులు ఇంటి దగ్గరే అడ్డుకున్నారు. ఒకవేళ రాజాసింగ్ దీక్షకు దిగితే ఉద్రిక్త పరిస్థితులు ఏర్పడే అవకాశం ఉందంటూ పోలీసులు ముందుగానే ఆయన్ను అదుపులోకి తీసుకున్నారు. గో రక్షకులపై పెట్టిన అక్రమ కేసుల్ని వెంటనే ఉపసంహరించాలని రాజాసింగ్ ప్రధానంగా డిమాండ్ చేస్తున్నారు. గోవుల్ని రక్షించి గోశాలకు వాటిని తరలిస్తుంటే అక్రమంగా కేసులు పెడుతున్నారని ఆరోపించారు. ఈ వ్యవహారంపై ప్రభుత్వం వెంటనే స్పందించాలని.. బక్రీద్ కోసం ఓల్డ్ సిటీకి తరలించిన గోవుల్ని వెంటనే గోశాలకు చేర్చాలంటున్నారు. రాజాసింగ్ గోరక్షణ కోసం తన ఎమ్మెల్యే పదవికి కూడా రాజీనామా చేశారు. ఈ మేరకు తన రాజీనామా లేఖను పార్టీకి పంపించారు. తాను చేసే గో రక్షణ ఉద్యమంతో పార్టీకి ఎలాంటి ఇబ్బంది ఉండకూడదని.. తన వల్ల ఎలాంటి నష్టం జరగకూడదనే ఉద్దేశంతోనే ఈ నిర్ణయం తీసుకున్నట్లు రాజాసింగ్ చెప్పారు. ఎమ్మెల్యే పదవితో పాటు బీజేపీ సభ్యత్వానికి కూడా ఆయన రాజీనామా చేశారు.

Leave a Reply

Your email address will not be published. Required fields are marked *

WP Facebook Auto Publish Powered By : XYZScripts.com