మల్టీ స్టారర్ మూవీలో నాగ్, వెంకట్

ఒకవైపు తమ వయసుకు తగ్గట్టుగా.. మరోవైపు ప్రయోగాత్మకంగా.. సినిమాలు చేస్తున్నారు కింగ్ నాగార్జున, విక్టరీ వెంకటేష్‌. కొడుకులు, అల్లుళ్లు లవర్ బాయ్, మాస్ హీరో పాత్రల్లో నటిస్తున్న నేపథ్యంలో ఈ హీరోలు.. ఆ రూట్లో కాకుండా ఇతర నటులతో, తమ కన్నా చిన్న హీరోలతో కలిసి నటించడానికి ప్రాధాన్యతను ఇస్తున్నారని స్పష్టం అవుతోంది. వరస పెట్టి మల్టీస్టారర్ కాన్సెప్ట్ సినిమాల్లో నటిస్తున్నారు ఈ హీరోలు. కమల్ హాసన్, మహేశ్ బాబు, పవన్ కల్యాణ్.. వంటి హీరోలతో గత కొన్నేళ్లలో సినిమాలు చేశాడు వెంకటేష్. ఇక ‘గురు’లో అయితే నెరిసిన గడ్డంతో కనిపించాడు ఈ హీరో. ఇలా తన వయసుకు తగ్గట్టైన పాత్రలు చేస్తూ వెళ్తున్న వెంకీ, ఇప్పుడు వరుణ్ తేజ్‌తో కలిసి ఒక సినిమా చేస్తున్నాడు. ఈ విధంగా మరో మెగా హీరోతో నటిస్తున్నాడు. మరోవైపు నాగార్జున కూడా వైవిధ్యంతో కూడిన మల్టీస్టారర్లకు ఓకే చెబుతూ వస్తున్నాడు. ‘ఊపిరి’ సినిమాలో కార్తీతో నటించిన నాగ్ ఇప్పుడు నానితో ఒక సినిమా చేస్తున్నాడు. బాలీవుడ్‌లో నాగ్ చేస్తున్నది కూడా మల్టీస్టారర్ సినిమానే. అలాగే మలయాళంలో కూడా కింగ్ ఒక మల్టీస్టారర్ సినిమాలో నటిస్తున్నాడని తెలుస్తోంది. ఈ విధంగా ఈ హీరోలిద్దరూ వరస పెట్టి మల్టీస్టారర్ సినిమాలకే ఓకే చెబుతున్నారు. తామే సోలోగా హీరోగా కనిపించాలి అనే ఆలోచనను పక్కన పెట్టేసి కెరీర్‌కు కొత్త ఊపునిస్తున్నారు

Leave a Reply

Your email address will not be published. Required fields are marked *

WP Facebook Auto Publish Powered By : XYZScripts.com