జగన్‌పై దాడి కేసులో ఏపీ సీఎంకు నోటీసులు జారీ

0

ఏపీ ప్రతిపక్ష నేత, వైసీపీ అధినేత వైఎస్ జగన్‌పై దాడి కేసుపై హైకోర్టులో విచారణ జరిగింది. వైసీపీ నేత వైవీ సుబ్బారెడ్డి దాఖలు చేసిన పిటిషన్‌ను విచారించిన ధర్మాసనం.. ఏపీ సీఎం చంద్రబాబుతో సహా 8మందికి నోటీసులు జారీ చేసింది. రెండు వారాల్లో ఈ కేసుపై వివరణ ఇవ్వాలని ఆదేశించింది. సీఎంతో పాటూ ఏపీ డీజీపీ, తెలంగాణ డీజీపీలకు కూడా నోటీసులు ఇచ్చారు. అలాగే విశాఖ ఎయిర్‌పోర్టులో భద్రతా లోపాలపై ఆగ్రహం వ్యక్తం చేసిన ధర్మాసనం.. కేసుకు సంబంధించిన వివరాలను సీల్డ్ కవర్‌లో అందించాలని సిట్‌ను ఆదేశించింది. ఈ కేసును రెండు వారాలకు వాయిదా వేసింది. మరోవైపు దాడి కేసులో వైఎస్ జగన్ దాఖలు చేసిన పిటిషన్‌పై కూడా మంగళవారం విచారణ జరిగింది. సిట్‌ ఇన్‌చార్జ్‌గా ఉన్న ఏసీపీ బీవీఎస్‌ నాగేశ్వరరావు కేసు వివరాలను సీల్డ్‌కవర్‌లో కోర్టుకు అందజేశారు. అనంతరం ఈ పిటిషన్‌పై వాదనలు జరిగాయి. ఈ సందర్భంలో సీసీ టీవీ ఫుటేజ్‌ వివరాలను ఏమయ్యాయని ధర్మాసనం అధికారులను ప్రశ్నించింది. గత మూడు నెలలుగా సీసీ టీవీ ఫుటేజ్‌ లేదని అధికారులు తెలపడంతో ధర్మాసనం ఆశ్చర్యం వ్యక్తం చేసింది. సీసీటీవీ పర్యవేక్షణ ఎవరి ఆధీనంలో ఉందనే విషయంపై సిట్‌ అధికారులు సమాధానం చెప్పలేకపోయారు. విశాఖ ఎయిర్‌పోర్ట్‌ భద్రతా లోపాలు క్షమించారానివని ధర్మాసనం అధికారులపై ఆగ్రహం వ్యక్తం చేసింది.

Share.

About Author

Leave A Reply