టీటీడీలో మహిళా ఉద్యోగినిపై వేధింపులు

టీటీడీలో మహిళా ఉద్యోగిని కూతురిపై లైంగిక వేధింపులు కలకలంరేపుతున్నాయి. ఏఈవో తనను వేధిస్తున్నాడంటూ బాధితురాలు పోలీసులకు ఫిర్యాదు చేసింది. చిత్తూరు జిల్లా శ్రీనివాసమంగాపురంలోని కళ్యాణ వెంకటేశ్వరస్వామి ఆలయంలో మహిళ అటెండర్‌గా పనిచేస్తోంది. అయితే కొంతకాలంగా ఏఈవో శ్రీనివాసులు తన కూతుర్ని లైంగికంగా వేధిస్తున్నాడని ఉద్యోగిని ఆరోపించింది. ఆమెకు ఫోన్ చేసి అసభ్యంగా ప్రవర్తించాడని.. ఆయనకు లొంగకపోతే మీ అమ్మను బదిలీ చేస్తానంటూ బెదిరించాడని ఆరోపించింది. మరోవైపు ఈ లైంగిక వేధింపులపై గతంలోనే ఉద్యోగిని టీటీడీ అధికారులకు ఫిర్యాదు చేసిందట. దీనిపై అంతర్గత విచారణ కూడా జరిపిన విజిలెన్స్ అధికారులు.. ఉన్నతాధికారులకు నివేదికను సమర్పించినట్లు తెలుస్తోంది. అయినా చర్యలు తీసుకోకపోవడంతో పోలీసులకు ఫిర్యాదు చేశారట. శ్రీనివాసులపై గతంలో కూడా ఇలాంటి ఆరోపణలు వచ్చాయట.. టీటీడీ బదిలీ వేటు కూడా వేసినట్లు సమాచారం.

Leave a Reply

Your email address will not be published. Required fields are marked *

WP Facebook Auto Publish Powered By : XYZScripts.com