ఏషియడ్ లో బంగారు పతకాలు

ఇండోనేషియా వేదికగా జరుగుతున్న ఆసియా గేమ్స్‌లో భారత క్రీడాకారుల హవా కొనసాగుతోంది. నిన్నటికే 15 పతకాలు గెలుపొందిన భారత్ బృందం.. గురువారం జరిగిన ఈవెంట్స్‌లో మరో రెండు పతకాలు చేజిక్కించుకున్నారు. ఈరోజు మధ్యాహ్నం జరిగిన మహిళ టెన్నిస్ సింగిల్స్‌లో పోటీపడిన అంకితా రైనా సెమీఫైనల్లో ఓడి కాంస్యతోనే సరిపెట్టగా.. కొద్దిసేపటికే 15 ఏళ్ల షూటర్ శార్ధూల్ విహాన్ రజత పతకంతో భారత్‌ని మురిపించాడు. పురుషుల డబుల్ ట్రాప్ ఈవెంట్‌లో పోటీపడిన శార్ధూల్ విహాన్ అద్భుత ప్రదర్శని కనబర్చాడు. తన కంటే రెట్టింపు వయసు ఉన్న షూటర్లకే చెమటలు పట్టించిన ఈ యువ షూటర్.. ఫైనల్లో కేవలం ఒక్క పాయింట్ తేడాతో పసిడిని చేజార్చుకున్నాడు. కొరియాకి చెందిన 34 ఏళ్ల షిన్ హున్వోవో 74 స్కోరుతో బంగారు పతకాన్ని గెలుపొందగా.. 15 ఏళ్ల శార్ధూల్ 73తో నిలిచి రజతం గెలిచాడు. ఉత్తరప్రదేశ్‌లోని మీరట్‌కి చెందిన శార్ధూల్ 2003లో జన్మించాడు. 2017లో మాస్కో వేదికగా జరిగిన ఐఎస్‌ఎస్ఎఫ్ జూనియర్‌ వరల్డ్ ఛాంపియన్‌షిప్‌లో ఆరో స్థానంలో నిలిచిన శార్ధూల్.. గత ఏడాది న్యూఢిల్లీలో జరిగిన నేషనల్ షాట్‌గన్ ఛాంపియన్‌షిప్‌లో 4 బంగారు పతకాలను గెలుపొంది వెలుగులోకి వచ్చాడు. ప్రస్తుతం ఈ రజత పతక విజేత 9వ తరగతి చదువుతున్నాడు. మరో వైపు ఇండోనేసియాలో జరుగుతోన్న ఆసియా క్రీడల్లో భారత్ మరో పతకం సాధించింది. మహిళల టెన్నిస్ సింగిల్స్‌లో అంకితా రైనా కాంస్య పతకం గెలుచుకుంది. సెమీ ఫైనల్లో చైనాకు చెందిన షుయీ ఝంగ్‌పై అంకిత 4-6, 6-7 తేడాతో వరుస సెట్లలో ఓడిపోయింది. అంకిత ఆసియా క్రీడల్లో పాల్గొనడం ఇది రెండోసారి కాగా, ఇదే తొలి పతకం. కాంస్యం సాధించిన అంకితను స్పోర్ట్స్ అథారిటీ ఆఫ్ ఇండియా ట్విట్టర్ ద్వారా అభినందించింది.

Leave a Reply

Your email address will not be published. Required fields are marked *

WP Facebook Auto Publish Powered By : XYZScripts.com