వివాదంగా మారిన పెట్రోల్ బంకుల ఉద్యోగుల వివరాలు

పెట్రోల్ బంకుల్లో పనిచేసే ఉద్యోగుల వ్యక్తిగత వివరాల అంశం వివాదంగా మారింది. దేశవ్యాప్తంగా బంకుల్లో పనిచేసే సిబ్బందికి సంబంధించిన కులం,మతం, నియోజకవర్గ వివరాలను ఇవ్వాలని ఆయిల్ కంపెనీల నుంచి డీలర్స్‌కు ఆదేశాలు అందాయి. అన్ని కంపెనీల బంకులను కలుపుకొని దాదాపు 10లక్షలమందికిపైగా ఉద్యోగుల సమాచారం కోరారు. పంజాబ్‌లో అయితే వివరాలు ఇవ్వనందుకు ఓ కంపెనీ ఆయిల్‌ సరఫరాను కూడా నిలిపివేసింది. ఈ వ్యవహారం ఇప్పుడు హాట్‌టాపిక్‌గా మారగా.. ఉద్యోగులకు సంబందించి సమాచారం ఇచ్చేందుకు డీలర్లందరు నిరాకరిస్తున్నారు. పెట్రోల్ బంకుల్లో పనిచేసే ఉద్యోగుల వ్యక్తిగత వివరాలు కోరడం సరికాదంటున్నారు డీలర్లు. ఇలా చేస్తే వారి ప్రైవసీని దెబ్బతీయడమేనని.. రాజ్యాంగం ఇచ్చిన హక్కుల్ని కాలరాయడమేననే అభిప్రాయాన్ని వ్యక్తం చేస్తున్నారు. దీనికి వ్యతిరేకంగా ఆందోళనలు కూడా చేపట్టారు. ఈ వ్యవహారం వివాదంగా మారడంతో ఆయిల్ కంపెనీలు స్పందించాయి. ప్రధాని నైపుణ్య అభివృద్ధి పథకం కింద పెట్రోలు పంపు ఉద్యోగులకు శిక్షణ ఇవ్వడానికే ఉద్యోగుల వ్యక్తిగత వివరాలు కోరామని ఆయిల్ కంపెనీలు చెబుతున్నాయి. మరి ఈ వ్యవహారాన్ని డీలర్లు ఎలా డీల్ చేస్తారో చూడాలి.

Leave a Reply

Your email address will not be published. Required fields are marked *

WP Facebook Auto Publish Powered By : XYZScripts.com