ఫెస్టివల్ ఆఫ్ ఇండియా

భారతీయ సంప్రదాయం, సంస్కృతి, పండుగల గురించి రష్యావాసులకు తెలియజేయడానికి ఫెస్టివల్ ఆఫ్ ఇండియా పేరుతో కార్యక్రమాన్ని విదేశాంగ శాఖ ప్రారంభించనుంది. ఈమేరకు రష్యాలోని భారత రాయబార కార్యాలయం ఓ ప్రెస్‌నోట్ విడుదల చేసింది. ఈ వేడుకలు మాస్కోలోని రష్యా అధ్యక్ష భవనం క్రెమ్లిన్ ప్యాలెస్‌లో సెప్టెంబరు 6 న ప్రారంభం కానున్నాయి. రష్యా వ్యాప్తంగా 22 నగరాల్లో ఆరు మాసాల పాటు ఈ వేడుకలు జరుగుతాయి. ఈ వేడుకల్లో భాగంగా భారతీయ సంప్రదాయ, ఆధునిక నృత్యాలు, సినిమాలు, భారతీయ వంటకాలు, పండుగలు, హస్తకళల ప్రదర్శన కూడా నిర్వహిస్తారు. సెప్టెంబరు 6 సాయంత్రం ఆరు గంటలకు ప్రారంభోత్సవ కార్యక్రమం నిర్వహించనున్నారు.

ఇందులో భాగంగా జయలక్ష్మీ ఈశ్వర్, మౌలిక్ షా, ఇషీరా పరీఖ్ లాంటి భరతనాట్యం, కథక్ కళాకారిణిల నృత్య ప్రదర్శన కూడా ఉంటుంది. రష్యా జానపద నృత్యం బేరజ్కాను సైతం ప్రదర్శించనున్నారు. సెప్టెంబరు 6 నుంచి మార్చి వరకు నిర్వహించే ఈ వేడుకల్లో దాదాపు 50 మందికి పైగా ప్రముఖ కళాకారులు పాల్గొంటారు. రష్యా వ్యాప్తంగా ఉన్న 22 ప్రధాన నగరాల్లో తమ బృందాలతో కలిసి వీళ్లు ప్రదర్శనలు ఇవ్వనున్నారు.

Leave a Reply

Your email address will not be published. Required fields are marked *

WP Facebook Auto Publish Powered By : XYZScripts.com